<<樂聚‧管樂>>首演音樂會

剛剛過去的星期六係<<樂聚‧管樂>>的首演音樂會, 尼一次音樂會可算得是我其中一個最深刻的音樂會之一。當日所發生的每一件事, 到宜家我都好記得呢!

早上起身, 攪下Operation Rundown就出左門口了, 幾經辛苦先去到場地- AC Hall. 入到去會場, 同平時出show的感覺好唔同, 因為沒有好令的大堂, 好令的舞台, 但係有一班好好的團員!

Set好台之後, 我地就開始rehearsal了!唔開心的事情就不多說了, 8點正式開show! 上半場有3隻歌, 有2隻都係吹到熟一熟的歌: Folk song suite 同 Second suite. 吹完頭2隻之後, 我就開始感覺到不適, 好似要暈倒似的~ 我堅持! 因為尼一場show自己比左好多心機落去, 除左係練習之外, 仲有宣傳.

堅持到第三隻: Second suite的solo, 用我畢生的氣力去吹完果句solo~ 中場休息, 等左好耐了, 我真係受不了. 沒有同朋友影相就回到休息室了! 回到休息室之後, 很快就有人知我身體不適...

老婆, 家人紛紛到走到後台看看我~ 十分感動, 但亦十分自責/.\ 又再一次要令到家人同埋身邊既人擔心自己, 仲令到樂團的表現有差異. 幸好! 樂聚‧管樂一班好友沒有責怪過我一點, 家人同老婆都好體諒我. 下半場就退下來, 聽大家表演了~ 聽了不夠半首歌就哭起來了, 十分唔開心, 因為自己真係放左好多心機去尼一場Concert度, 但點解要到左尼個時候先唔得? 已經好耐沒有在家人面前哭起來, 因為就算係幾唔開心都唔想佢地擔心, 但係今次真係忍不了~ 聽了兩首左右, 家人就陪我到隔離的醫院睇醫生.

睇完醫生, 就回家了。

今晚除了係一場音樂會, 仲係一堂好寶貴的課~! 比我知道身邊有好多人愛我, 我要愛佢地就要先愛自己, 將自己的身體調理好先。番到屋企, 一度收到好多好友的sms, msn, 電話等.. 一個又一個的問候, 真係發覺自己唔係自己一個去生活, 身邊有好多人係支持緊我的~

下一次, 將會係六月的主題音樂會, 我一定要完完整整出曬成場concert~ 仲要吹得好好的~ 唔好比身邊既人擔心~! 打到尼度, 我要休息了~!

《樂聚‧管樂》@ Band Fair 2009

節目: 管樂繽紛2009
日期: 7月22日
時間: 20:00 - 22:00
地點: 沙田大會堂演奏廳

今晚是Musicphilic Winds的第一次Indoor既Concert, 亦是首次參加本地管樂界盛事 - 管樂繽紛。7時左右到達表演場地之後, 就馬上去左set 位。由於今晚要負責stage的setting, 所以遲遲都未開野, 開左野之後只係吹左一句野, 哈哈。

8時開show! 第一首就係Philip Sparke 的Huntingdon Celebration, 一向都對Philip Sparke 既作品好有好感, 好鍾意佢既melody同埋編排!

第二首就係English Folk Song Suite, 由中學吹到宜家, 但係都不可說得好好, 始終1st mov. 都係考大家的指法+ 氣量...... 到左第2 mov., 比平時好~ 無咁撞音, 最後一個mov就大家做的dynamic變化比平時rehearsal更好呀~ ^^

最後一首就係Fortress, 成首野都幾考各團員的功力, 尼首我覺得是3首中最好的. 今日神奇的是個B音長音幾令^^ (自己覺得, haha), 不過solo果時的dynamic變化做得唔夠好, 唔夠仔細呢!

完左之後就同各位團員影下相, 好開心, 大家都好團結, 希望大家會一齊努力, 令首演做得有聲有色.

P.S. 多謝家人和至愛到場支持

樂聚‧管樂

很久沒有上來寫表演的感想了, 上年的9月加入一隊新的管樂團: 樂聚‧管樂 (Musicphilic Winds). 等我為大家介紹一下先啦:


樂聚‧管樂於二零零八年九月成立，由於近年坊間成立的管樂團的招募對象多為學校舊生及較年輕的樂手為主，以致很多沒有類似背景，而又較成熟的樂手難以找到一隊合適自己的樂團發展音樂興趣。有見及此，本樂團期望能為來自不同背景的樂手提供一個開放及獨立的音樂平台，讓一班音樂愛好者能聚首一堂，愉快地享受管樂合奏，並一同在音樂路上成長。樂團成立以來曾參與不同演出，包括各商場節日音樂表演。另外，樂團曾與新加坡理工高中管樂團作交流活動，讓兩地樂手互相交流切磋。未來日子，樂團安排參與不同表演，包括香港管樂繽紛及樂團首演音樂會。樂聚‧管樂的第一個「樂」意指快樂，第二個「樂」則為音樂。樂手及觀眾有幸能聚在同一空間欣賞或吹奏管樂，我們希望觀眾能跟我們身同感受，感受到音樂帶給我們的快樂。樂聚‧管樂現有約四十名團員，現任的音樂總監及指揮為林志揚先生。

網址：　http://www.musicphilic.org/

收生要求:

1. 十八歲以上及

2. 具有英國皇家音樂學院五級或以上(或同等此之認可資歷)

3. 木管樂/銅管樂/敲擊樂/低音大提琴

排練費用: 每月港幣一百元正

排練時間: 逢星期五晚上七時半至十時正

排練地點: 沙田第一城東華三院邱金元中學禮堂